Toni Buhz aus der Barbarastraße hat im Lauf von 35 Jahren unzählige Gedichte und Verzällcher auf Kölsch geschrieben. In loser Folge können Sie hier ausgewählte Texte lesen. Den Anfang macht ein Gedicht über den beliebten Trödelmarkt auf dem Riehler Gürtel:
Der Trödelmaat om Riehler Gürtel
Trödelmaat ess anjesaht,
Lück ston morjens allt parat.
Nä, wat jit et do ze sinn,
Doröm trick et uns dohin:
Bungkt jesteckte Sofakesse, – Pluute, die allt halv zeresse.
Un, wie neu, ne Damenschoh, – Nor der zweite ess nit do.
Kaffemülle haufewies, – Janz verschieden ess der Pries.
Belder, schön jemolt, met Rahme, – Ungerwäsch för Häre, Dame.
Böcher, mettendren en Bibel, – Teller, Tasse, Muster: Zwiebel.
Boxhändche, ne Ledderball, – Öhs un Köh, ne Päderstall.
Pöppcher sin zo Hauf ze sinn, – Och ne Clown steiht meddendren.
Panne, Kessel, Kammerpott, – Mänches wörf mer besser fott.
Ne Zylinder, süch ens ahn, – Un en Pürk met Schliefcher dran.
He fingk mer för jeden jet, – Ledderbotze, e Korsett.
Platz e Rad jefunge hatt, – Vörre un och hinge platt.
Zom Fasteleer ne Firkeskopp, – Schwazze Söckcher, nit jestopp.
Fotos us der Puutezick, – Schallplatte un bunte Krick.
Un noch hundert andre Saache, – Ich künnt luuter wigger maache.
Schlepp mer dann dä Krom no Hus, – Mer sich secher sage muß:
Woröm hät mer dat jekauf? – Dovun hät mer selvs ze Hauf,
Ze Hus doch noch em Keller ston. – Mer künnt och op der Trödelmaat jon.
